Professionallyk - Emosional erkinlik

Hiç Zady Şahsyýetiňe Kabul Etmezlik Sungaty

Adamyň iň uly emosional ýitgileriniň biri — başgalaryň sözlerini, hereketlerini ýa-da garaýyşlaryny öz şahsyýetine gönümel hüjüm hökmünde kabul etmekdir. Don Migel Ruisiň "Dört Ylalaşyk" kitabynda belleýşi ýaly, "Hiç zady şahsyýetiňe kabul etmezlik" sizi durmuşyň iň agyr zynjyrlaryndan azat edip biler. Bu ukyp, adamyň içki parahatçylygyny daşarky dünýäniň haosyndan gorap saklaýan bir galkandyr.

1. Başgalaryň garaýşy Siziň hakykatyňyz däl

"Faktlar bilen şahsy garaýyşlaryňyzyň arasyny tapawutlandyrmak" örän möhümdir. Eger kimdir biri size "Siz işiňizi başarmaýarsyňyz" diýse, bu bir fakt däl-de, şol adamyň subýektiw garaýşydyr. Şeýle ýagdaýda "Başgalaryň öz meseleleri esasynda hereket edýändigini ýatda saklamak" gerek. Köplenç adamlaryň gahary ýa-da tankydy siziň bilen däl-de, olaryň öz içki kynçylyklary, gorkulary ýa-da şol günki şowsuzlyklary bilen baglydyr.

Mysal: Iş ýeriňizde ýolbaşçyňyz size gaty ses bilen gygyrsa, bu hökman siziň erbet işgärdigiňizi aňlatmaýar. Belki, ol özi uly basyş astyndadyr ýa-da şahsy durmuşynda kynçylyk çekýändir.

2. Akylly aragatnaşyk we araçäkler

Köplenç biz adamlaryň näme pikir edýändigini "çaklaýarys". Bular ýaly ýagdaýda olardan öýkelemek"Sorag soramaklyk" maslahat berilýär. Çaklamalar gorky we şübhe döredýär, göni sorag bolsa hakykaty ýüze çykarýar. Şunuň bilen birlikde, "Sagdyn we aýdyň araçäkleri goýmak" sizi emosional taýdan ulanylmakdan goraýar. Ýok diýmegi başarmak, öz gymmatyňyzy bilmegiň ilkinji ädimidir.

3. Içki durnuklylyk we özüňe ynam

Daşarky dünýäniň täsirine düşmezlik üçin adamyň öz merkezi bolmaly. "Aňly ýaşaýyş" tejribesi arkaly "şu wagtda" galmak, geçmişiň ökünçlerinden we geljegiň gorkusyndan sizi halas eder. "Özüňize we ukyplaryňyza ynanmak" bolsa başgalaryň tankydynyň siziň binýadyňyzy titretmegine ýol bermez. Eger siz özüňiziň kimdigiňizi we nämä ukyplydygyňyzy bilseňiz, daşyndan gelýän "ýaramaz sesler" diňe bir fon gürleýşine öwrüler.

4. Problemalardan çözgütlere tarap

Kyn ýagdaý ýüze çykanda, köpümiz "Nämä üçin bu meniň başyma geldi?" diýen soraga berlip, aşa köp oýlanmaga başlaýarys. Muňa derek, "Çözgüde fokuslanmak" we "Reaksiýa bermezden öň özüňize wagt bermek" paýhaslylygyň alamatydyr. Gahar bilen berlen jogap köplenç size zyýan berer, emma 10 sekuntlyk dymyşlyk sizi emosional ýalňyşlykdan saklar.

5. Gurşawyň we özüňe söýginiň güýji

Siziň töweregiňizdäki adamlar siziň emosional saglygyňyza göni täsir edýär. "Size goldaw berýän adamlar bilen bolmak" we kyn pursatlarda "Özüňize ideg etmek" siziň ruhy immunitetiňizi güýçlendirýär. Özüňizi söýmek — bu diňe bir özüňe gowy zatlary alyp bermek däl, eýsem özüňi gereksiz tankytlardan we zäherli adamlardan goramakdyr.

Netije

Jemläp aýtsak, şeýleräk pikirlenmek biziň duýgylarymyzyň erkinliginiň kepilidir.

Mysal üçin, şeýle ýagdaýy göz öňüne getireliň. Siz işde ýolbaşçyňyzdan 1 mesele boýunça bir zat soradyňyz ol hem Size bir jogap berdi. Jogaby Siziň garaşýan ýa-da garaşmaýan jogabyňyz bolup biler, tapawudy ýok. Indi şu 3 görnüşde pikirlenmek has professionallyga ýakyn bolar:

1.“Eger-de men dälde başga bir işgärimiz şu soragy soran bolsa onda ýolbaşçymyz şuwagtky jogabyny bererdi.”

2. “Men gelip şu soragy soran bolsam başga bir ýolbaşçy bolanam bolsa şu jogaby bererdi”

3. “Başga işgär bilen başga ýolbaşçynyň arasynda şu mesele gozgalanam bolsa netije şuwagtky berlen jogap ýaly bolardy, sebäbi şu meseläniň çözgüdi şul eken”

Ine şu 3 jogaby kellämize beýnimize otyrdyp bilen wagtymyz gündelik durmuşdaky meselelerimiziň 80%-e çenli azalýandygyny göreris.

Hiç zady şahsyýetiňe kabul etmezlik, adamyň daşarky dünýäniň "gutusyndan" çykmagyny aňladýar. Bu ukyby ösdürmek bir gijede bolmaýar, ol yzygiderli türgenleşigi talap edýär. Eger-de şularda üstünlikli bolsaňyz onda Siz diňe bir stresden dynman, eýsem öz durmuşyňyzyň hakyky eýesine öwrülersiňiz. 

Ýatda saklaň: Başgalaryň Siziň baradaky pikiri Sizi kesgitlemeýär, ol diňe olaryň özlerini görkezýär.