Örän oňaýly oturgyçly täzelenen “Honda Elysion” mikroawtobusy bary-ýogy 249,8 müň ýuana hödürlenýär
“Dongfeng Honda” bilelikdäki kärhanasy täzelenen “Elysion” mikroawtobusyny içerki bazara çykardy. Awtoulag täze öňdebaryjy dizaýna, “Black Jazz” bukjasyna we 2.0 litrlik hereketlendirijä esaslanýan gibrid elektrik gurluşyna eýedir. Bahalar 249,8 müňden 303,8 müň ýuana çenlidir.
Täze “Elysion-yň" iň göze görnüp duran dizaýny täzelenen öň tarapy bolup, radiatoryň öňki altyburçly gözenegi dik “şarlawuk” paneli bilen çalyşandyr. Gara reňk we “Black Jazz” bukjasy bilen bilelikde täze öň tarapy has täsirli görünýär. Täze model enjamlara has baý bolup, onuň depesinde iki sany lýuk bar, elektrik gapylary (çepe we saga), “erkin eller” funksiýaly bagaž gapysy, dört gapynyň hemmesinde akustiki aýna, 50W simsiz smartfon güýçlendirijisi we üç zolakly howa gözegçiligi hem bar. Orta we ýokarky görnüşlerinde dürli sürüjä kömek ulgamlary bar.
Täze awtoulagyň içki bölegi, esasan, häzirki modeli gaýtalaýar: media ulgamynyň düzüminde şol bir 10 dýuýmlyk ekran we sanly gurallar panelinde 7 dýuýmlyk panel ulanylýar. Awtoulagda 7 adamlyk orun bolup, 2 + 2 + 3 formula görä ýerleşdirilendir. Ikinji hatarda sazlanyp bilinýän tirseklikli we aýak goýulýan ýeri bolan, ýyladyşly, howa çalşygy bolan we elektrik sazlaýjyly aýratyn oturgyçlar bar. Üçünji hatar oturgyçlar bolsa doly yza çekdirilendir.
Täze “Elysion” "Atkinson” aýlawy boýunça işleýän 2.0 litrlik hereketlendirijiniň esasynda i-MMD gibrid ulgamy bilen enjamlaşdyryldy. Iki sany elektrik hereketlendirijisi bolup, geçirişi — E-CVT elektromehaniki wariator. Ulgamyň umumy güýji 215 at güýjüne deňdir.
