Üstünlikli Liderleriň özünde edinmeli 7 endigi
1. Öz-özüňi Tanymak
(Self-Awareness) Öz güýçli we gowşak taraplaryňyzy, şeýle hem sizi
gaharlandyrýan ýa-da biynjalyk edýän sebäpleri (trigger) biliň. Sebäbi
özüňizdäki "kör nokatlar" (görmän galýan kemçilikleriňiz) size bolan
ynamy ýitirip biler.
- Mysal: Menejer özüniň tankyt
edilen wagty gaharjaň bolýandygyny bilýär. Ol gaharlanmagyň deregine:
"Men bu taslama köp zähmet siňdirenim üçin goraýjy bolup bilerin,
ýöne siziň dogruçyl garaýyşlaryňyzy eşitmek isleýärin" diýýär.
2. Aragatnaşyk (Communication) Diýjek bolýan
zadyňyzy anyk aýdyň, işjeň diňlemegi başaryň we hiç wagt çaklamalara
esaslanmaň. Anyklyk toparyň bir maksada gönükmegini üpjün edýär.
- Mysal: "Bu işi
gowulaşdyryň" diýmegiň deregine, lider: "Ulanyjylaryň sanyny
artdyrmak üçin sahypanyň ýükleniş tizligini 20% çaltlandyrmalydyrys"
diýip anyk wezipe goýýar.
3. Karar Berijilik
(Decision-Making) Faktlary ölçerip-döküň, duýgyňyza ynanyň we
gutarnykly karara geliň. Kararsyzlyk we ikirjiňlenmek hemmaniň işini
haýallatýar.
- Mysal: Bazar üýtgän wagty,
ýolbaşçy ähli maglumatlara 100% eýe bolmasa-da, kompaniýanyň wagtyny
ýitirmezlik üçin täze strategiki ugra geçmek barada çalt karar berýär.
4. Çydamlylyk (Resilience) Şowsuzlyklardan
soň özüňizi dürsemegi başaryň, bulam-bujarlyk pursadynda rahatlygyňyzy saklaň
we öňe gitmegi dowam ediň.
- Mysal: Taslama şowsuz bolandan
soň, lider toparyny ýygnap: "Bu garaşyşymyz ýaly bolmady, ýöne biz
mundan sapak aldyk. Indi has tejribeli dowam ederis" diýip hemmeleri
ruhlandyrýar.
5. Ygtyýarlandyrmak (Empowerment)
Toparyňyzyň her bir agzasyna soňyna çenli ynanyň, wezipeleri
maksatnamalaýyn tabşyryň we olara öz işlerine eýeçilik etmäge mümkinçilik
beriň.
- Mysal: Hemme zady özi dolandyrmaga
çalşaman, lider işgärine diňe garaşylýan netijäni aýdýar we işiň ýerine
ýetiriliş usulyny işgäriň özüne goýýar.
6. Uýgunlaşyjylyk (Adaptability) Üýtgeşme
hemişelikdir. Çeýe boluň, strategiýalaryňyza täzeden serediň we toparyňyza
ýagdaýa görä nähili uýgunlaşmalydygyny görkeziň.
- Mysal: Täze tehnologiýalar ýüze
çykanda, lider köne usullarda aýak dözmän, iş prosesini täze şertlere görä
üýtgedýär.
7. Dogruçyllyk we Bitewülik
(Integrity) Hiç kim seretmeýän wagty hem dogry işi ediň. Sebäbi ynam diňe yzygiderli
dogry hereketler arkaly gurulýar. Emma bir çat açansoň aňsat-aňsat täzeden öňki
durkyna getirip bolmaýar.
- Mysal: Bir ýalňyşlyk goýberilende,
lider günäni başgalaryň üstüne atmany, jogapkärçiligi öz üstüne alýar we
muny açyk aýdýar.
